Առնուազն 28 սպաննուածներ`Անգարայի մէջ տեղի ունեցած պայթումին պատճառով

Չորեքշաբթի, 17 փետրուարին երեկոյեան, պայթում մը ցնցեց Թուրքիոյ մայրաքաղաք Անգարան: Թրքական լրատուամիջոցները կը հաղորդեն, թէ պայթումին պատճառով սպաննուած է առնուազն 28 քաղաքացի եւ արձանագրուած են տասնեակ մը վիրաւորներ:

Պայթումը տեղի ունեցած է մայրաքաղաքի այն հատուածին մէջ, ուր  տեղակայուած են երկրի զինուած ուժերու կեդրոնակայանը եւ խորհրդարանը:

Թրքական «Անատոլու» լրատու գործակալութիւնը պաշտօնական աղբիւրներէ յղում կատարելով կը հաղորդէ, թէ պայթումին հաւանական պատճառը  ականապատուած մեքենայ է: